भांगरभूंय | प्रतिनिधी
म्हापशें ः परबोवाडो, कळंगुटेच्या डोंगरपूर जंक्शनाचेर धाड घालून कळंगूटे पुलिसांनी 56 हजारांचो गांजो जप्त केलो. ह्या प्रकरणांत दुबावीत अम्रीत फतीक नाथ (27, सोनितपूर, आसाम) हाका अटक केल्या.
ही कारवाय कळंगूटे पुलिसांनी शुक्रारा, 22 ऑगस्टाक सकाळीं 10:00 वरांचे सुमाराक केली. डोंगरपूर जंक्शना लागसार ड्रग्स विक्री जावपाची आसा अशी म्हायती विस्वासू स्त्रोतां कडल्यान पुलिसांक मेळ्ळी. ते प्रमाण पुलिसांनी सापळो घालून दुबाविताक अटक केली. ताचे कडेन 566.5 ग्राम गांजो मेळ्ळो. ह्या गांजाचें मोल 56 हजार आसा.
पुलिसांनी दुबाविताचेर ड्रग्ज प्रतिबंधक कायद्या खाला गुन्यांव नोंद करून ताका अटक केली. फुडलो तपास उपनिरिक्षक राजाराम बागकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
