भांगरभूंय | प्रतिनिधी
नवी दिल्ली, खबरां संस्था: दिल्लीची मुख्यमंत्री रेखा गुप्ता हांचेर हल्लो जाला. तांचे तकलेक मार बसला. बुधवारा मुख्यमंत्र्यांच्या घरा जनसुनावणी मजगतीं ही घडणूक घडली. आरोपीक ताब्यांत घेतला, ताची चवकशी सुरू आसा.
मुख्यमंत्र्यांच्या घरा कडल्या अधिकार्यांनी दिल्ले म्हायती प्रमाण, मुख्यमंत्री जनसुनावणी घेतना, एक मनीस आपली कागाळ घेवन थंय पावलो. हाचे मजगतीं ताणें मुख्यमंत्र्यांच्या कानार मारलें. त्या मनशाक ताब्यांत घेतला.
हल्लो करपी कोण?
मेळिल्ले म्हायती प्रमाण, हल्लो करप्यान आपलें नांव राजेश भाई खिमजी सकरिया सांगलां. आरोपी राजकोटचो. ताची पिराय ४१ आसा.
कानार मारलें?
दिल्ली भाजपाचे प्रवक्ता प्रवीण शंकर हांणी सांगलें, जनसुनावणी सुरु आसतना एक मनीस मुख्यमंत्री रेखा गुप्ता हांचे लागीं पावलो. ताञणी पयलीं कांय कागद दिले, उपरांत आड्ड्यो मारपाक लागलो आनी कानार मारलें. मात दिल्लीच्या भाजपा प्रदेशाध्यक्षांनी कानार मारिल्ल्याचो दावो भायर मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
