भांगरभूंय | प्रतिनिधी
पणजी : केरी-सत्तरीची सरपंच सुप्रिया विष्णू गांवस हांचेर णवां मदल्या सात पंच वांगड्यांनी अविस्वास थाराव दाखल केला. हाका लागून तांचें सरपंचपद धोक्यांत आयलां.
ह्या अविस्वास थारावाचेर नंदिता गांवस, श्रीपाद गांवस, उस्मान सय्यद, संदीप ताटे, भिवा गांवस, दीक्षा गांवस आनी तन्वीर पांगम ह्या पंच वांगड्यांच्यो सयो आसात.
सरपंच सुप्रिया गांवस हांचेर पंचायतीच्या बर्या आड काम करप आनी पंच वांगड्यांक विस्वासांत घेनासतना मनमानी करप, अशे आरोप तिचेर आसात. अविस्वास थाराव जाल्ल्यान आतां रोखडीच ताचेर चर्चा जावन निर्णय घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
