भांगरभूंय | प्रतिनिधी
पणजीः गिरायकांचे वाडटे मागणेची दखल घेवन कोंकण रेल्वेन कोलाड ते नंदगांव आनी वेर्णा मार्गाचेर मोटारींच्या येरादारी खातीर रोल ऑन/रोल ऑफ (रो -रो) रेल्वे सेवा नोंद करपाची निमाणी तारीक वाडोवपाचो निर्णय घेतलो. सुरवातेक नोंदणी करपाची निमाणी तारीख १८ ऑगस्ट थारायल्ली. मात संभाव्य गिरायकां कडल्यान नोंदणी खातीर अतिरिक्त वेळाची मागणी पळोवन कोंकण रेल्वेन ही तारीख २० ऑगस्ट मेरेन वाडोवपाचो निर्णय घेतला.
ही रो-रो सेवा कोंकण मार्गाचेर मुखेल बिंदूचेर वाहनांची सुरक्षीत आनी सुटसुटीत हालचाल सुनिश्चीत करता. हाका लागून रस्त्यांची गर्दी उणी जाता आनी प्रवासाची सोय वाडटा.
ह्या विस्तारीत काळाचो लाव घेवन इत्सूक गिरायकांनी नोंदणी प्रक्रिया पुराय करची अशें आवाहन कोंकण रेल्वेन केलां.
सविस्तर नेम आनी अटी तशेंच नोंदणी प्रक्रिया खातीर गिरायकांक www.konkanrailway.com अधिकृत वेबसायटीक भेट दिवपाची मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
