भांगरभूंय | प्रतिनिधी
वाळपय: मोर्लें ग्रामपंचायत वाठारांतल्या गिमोये मोर्लेंच्या वासुदेव मोराजकार हांचे घर पावसाक लागून कोसळ्ळें. हाका लागून ह्या कुटुंबाक बरेच त्रास सोंसचे पडले.
मजगतीं थळावे आमदार आनी गोंय वनविकास महामंडळाची चेअरमन डा.ॅ देविया राणे हांणी जाता तितले बेगीन ह्या कुटुंबाक नवें घर उपलब्ध करपाचें आस्वासन दिलां. सध्या तात्पुरती वेवस्था म्हणून ह्या कुटुंबाक हेर सुवातेर हालोवपाचे यत्न चालू आसात, अशी म्हायती पंचायतीचे सरपंच अमित शिरोडकार आनी रुचिता माईणकार हांणी दिली.
हे विशीं चड म्हायती प्रमाण, मोर्ले पंचायत वाठारांतल्या गिमोये मोर्ले हांगा रावपी वासुदेव मोरजकार हांचें मातयेचें घर आशिल्लें. फाटल्या कांय दिसां सावन व्हडा प्रमाणांत पावस पडिल्ल्यान ह्या कुटुंबाच्या घराचो एक भाग शेनवारा कोसळ्ळो. कोणाक कांय जावंक ना. मात तांच्या घरांत आशिल्ल्या जायत्या सामानाचें लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
