भांगरभूंय | प्रतिनिधी
मॉवीन गुदिन्हो : वीज पुरवण बंद करपाची शिटकावणी
भांगरभूंय । प्रतिनिधी
मुरगांव : वाडे आनी नवे वाडेच्या लोकांक वाडे तळ्यांत वचपी उक्त्या व्हाळांत घाणयारें उदक सोडपाचें तत्काळ बंद करचें. ह्या तळ्यांत गणपती पावयतात. घाणयारें उदक सोडप्यांची वीज पुरवण बंद करपाची शिटकावणी मॉवीन गुदिन्हो हांणी दिल्या.
घाणयारें उदक व्हरपी टँकर सेवा लोकांनी वापरची. ह्या उदकाचे प्रक्रिया करून तें बागेंत वापरतात. सेप्टीक टँक रिते करचे खातीर टँकर उबलब्ध आसाच वेवसायीक वापरा खातीर 7 ते 8 हजार रुपया आनी घरां खातीर नांवा पुरते 2 हजार रुपया घेतात. आपूण ही सेवा फुकट दिवपाक तयार आसा, पूण सोसायटी अजून ती वापरपाक न्हयकार दितात, अशें गुदिन्हो हांणी सांगलें. लोक शौचालयाचें उदक तळ्यांत वा हेर खंयच्याय उदकाच्या सांठ्यांत कशे वचपाक दिवपाक शकतात? गोंय राज्य प्रदुशण नियंत्रण मंडळ गुन्यांवकारांक नोटीस जारी करतलें. तरीय नेम मोडप चालूच दवरल्यार वीज पुरवण खंडीत करपा सयत खर कारवाय करतले. आमी टँकर सेवे खातीर सवलतीच्या दरांत लेगीत ऑफर दितात. सोसायटींनी आपली शिटकावणी गांभिर्यान घेवची. आपूण वाडे तळ्याची नितळसाण करतलों आनी सोमारच्यान कामाक सुरवात जातली, अशें गुहिन्हो हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
