भांगरभूंय | प्रतिनिधी
-अंदूं नुस्त्यांच्या उत्पन्नांत देड हजार टना मेरेन वाडपणजीः पाेरुंचे तुळेंत अंदूं नुस्त्यांच्या उत्पादनांत देड हजार टन इतली वाड जाल्या. पूण गोंयकारांक परवडपी नुस्तें जशे, बांगडे, कर्ली, कुल्ल्यो, धोडयारे ह्या नुस्त्यांनी उणाव दिसून आयला. जाल्यार इसवण, तारले, माणकी आनी सुंगटा ह्या नुस्त्याचें उत्पन्न वाडला, अशी म्हायती नुस्तेमार संचालनालयान दिल्या.
नुस्तेमार संचालनालयान फाटल्या दोन वर्साचे दर्यात तशेंच न्हंयेत मेळिल्ल्या नुस्त्यांच्या उत्पन्नांची आंकडेवारी जारी केल्या. हे आंकडेवारी प्रमाण वर्स 2023-24 त 1.35 लाख टन नुस्तें फारावल्ले आनी वर्स 2024-25 त 1.37 लाख टन इतले नुस्ते फारावन नुस्त्यांच्या उत्पनांत देड हजार टन इतली वाड दिसून आयल्या.
जाल्यार वर्स 2023-24 त दर्यांत 1.26 लाख टन इतले नुस्ते मेळिल्ले. आनी वर्स 2024-25 त 1.28 लाख टन इतले नुस्ते धरिल्ले. अंदूं नुस्त्यांच्या उत्पन्नांत 1,300 टन इतली वाड दिसून आयला. जाल्यार वर्स 2023-24 त न्हंयेत 8,859 टन इतले नुस्ते धरिल्ले आनी वर्स 2024-25 त 9,065 टन इतले नुस्ते धरिल्ले. हे खेपे न्हंयेंतल्या नुस्त्यांच्या उत्पन्नांत 206 टन इतली वाड नोंद जाल्या.
फाटल्या वर्साचे तुळेंत अंदूं बांगड्याचें उत्पन्न 6 हजार टन इतले उणें जाला. जाल्यार तारले आनी माणक्यांनी 2 हजार टन आनी सुंगटांत 3 हजार परस चड टनांनी वाड जाल्या.
——————–
दर्यातल्या नुस्त्यांचें देंविल्लें उत्पन्न
नुस्तें/ टन
बांगडे/ 6,000
खापी /75
कर्ली /98
कुल्ल्यो/ 165
धोडयारो/ 647
सांगोट / 53
मोरी /219
पापलेट/ 98
बाळे /777
गोबरो /1392
कापसाळी/ 209
सोंदाळे / 53
————————-
न्हंयेंतल्या नुस्त्यांचें देंविल्ले उत्पन्न
नुस्तें /टन
वागयो सुंगटा /247
तामोशी/ 117
चणक/ 42
काळूंदर/ 164
कुल्ल्यो /119
तिसऱ्यो /300
खुबें /10
सांगोट/ 359
मुत्री /51
शिनाणे/ 1
—————————
न्हयेंतल्या नुस्त्यांचे वाडिल्लें उत्पन्न
नुस्तें/ टन
सुंगटा मोठी/ 711
सुंगटा बारीक/ 430
मुड्डोशी /70
शेवटो /33
शेटकी /17
मोतीयाळी /14
केर/ 6
बुराटे/ 35
कालवा/ 21
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
