भांगरभूंय | प्रतिनिधी
फाटल्या वर्सा वखदांचो ओव्हरडोसाक लागून वैजकी समस्यांक लागून 72 दुयेंती गोंय वैजकी म्हाविद्यालयांत दाखल जाल्ले. तातूंतल्या 67 दुयेंतींचेर उपचार करून डिस्चार्ज दिलो. जाल्यार हेर 5 दुयेंतींक मरण आयलें. हाचे भायर वखदांचो ओव्हरडोस घेतिल्ल्या 2 दुयेंतींचेर उपचार करून डिस्चार्ज दिल्ल्याची म्हायती मेळ्ळ्या.
मेळिल्ले म्हायती प्रमाण दाखल जाल्ल्या 72 दुयेंतींतले 8 दुयेंती 11 ते 20 वर्सां पिरायेच्या गटांतले, 16 जाण 21 ते 30 वर्सां पिरायेच्या गटांतले, 18 जाण 31 ते 40 वर्सां पिरायेच्या गटांतले, 9 दुयेंती 41 ते 50 वर्सां पिरायेच्या गटांतले, दरेकीं 7 दुयेंती 51 ते 60 वर्सां पिरायेच्या गटांतले आनी 61 ते 70 वर्सां पिरायेच्या गटांतले आशिल्ले वर्सां आनी २ ७० वर्सां वयर आशिल्ले. मरण आयिल्ल्या लोकां मदीं 2 जाण 31 ते 40 वर्सां पिरायेच्या गटांतले, 2 जाण 61 ते 70 वर्सां पिरायेच्या गटांतले आनी 2 जाण 70 वर्सां वयर आशिल्ले. वखदांचो ओव्हरडोस केल्लो एक दुयेंती 21 ते 30 वर्सां पिरायेच्या गटांतलो आनी दुसरो 31 ते 40 वर्सां पिरायेच्या गटांतले आशिल्ले.
हाचे भायर 2024 वर्सा 17 दुयेंतींक चड सोरो पियेल्ल्यान जावपी वैजकी दुयेंसां खातीर गोंय मेडिकल कॉलेजींत दाखल केल्ले. ह्या दुयेंतींतले चडशे 31 ते 40 वर्सां पिरायेच्या गटांतले आशिल्ले. 21 ते 30 वर्सां पिरायेच्या गटांत 4 आनी 41 ते 50 वर्सां पिरायेच्या गटांत 2 आशिल्ले. वट्ट दाखल जाल्ल्या दुयेंतींतल्या 13 दुयेंतींचेर उपचार करून डिस्चार्ज दिलो. जाल्यार 4 दुयेंतींक मरण आयलें. मरण आयिल्ल्या दुयेंतींची पिराय 31 ते 70 वर्सां मदीं आशिल्ली.
दादल्या दुयेंतींची चड संख्या
मेळिल्ले म्हायती प्रमाण चड सोरो पियेल्ल्यान वैजकी समस्या निर्माण जाल्ल्या 72 दुयेंतींतल्यान 37 बायलो आनी 35 दादले. चड सोरो पिवपाक लागून दाखल जाल्ल्या दुयेंती मदीं 12 दादले आनी 5 बायलो. जाल्यार ड्रग्सांचो ओव्हरडोस करपी दोनूय दुयेंती दादले आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
