भांगरभूंय | प्रतिनिधी
जैतिवंत विद्यार्थ्यांक भेटयलीं मानेस्तां हस्तुकीं इनामां
पणजीः कोंकणी भाशा मंडळान आयोजीत केल्ल्या शणै गोंयबाबकथामाळेचो निकाल जाहीर केलो. ही सर्त मडगांवच्या कोंकणी भाशा मंडळाच्यासभाघरांत आयोजीत केल्ली. इनामां भेटोवपाच्या सुवाळ्याक कवी रेमश घाडी, आदलेशणै गोंयबाब सर्तीचे संयोजक सुरेल तिळवे, मंडळाची अध्यक्ष रत्नमाला दिवकार, सचीवमंगलदास भट, भांडारी पुरुषोत्तम वेर्लैकार, संयोजक उल्हास गांवकार, जोड संयोजकगौरांग भांडिये आनी हेर मानेस्त हाजीर आशिल्ले.
सुवाळ्यांत उलयतना कवी रेमश घाडी हांणीसांगलें, सदांच जिणेंत घडिल्ल्यो गजाली सांगीत गेलो. आवय बापायचो जिणेंत खूबआदार लाबलो. उतरांची जोड आसल्यार अभिव्यक्त जावपाक कळाव लागना. सदांच काणयो वाचात,आयकात आनी जीण घडयात अशें कवी घाडीन सांगलें.
सुरेल तिळवे हांणी म्हणलें, ही सर्त माचयेर उबो रावपाचें धाडस दिता. मनांतभंय उरना. चड करून शिक्षक आनी पालक हांचे उपकार. तांणी बऱ्यो काणयो शिकयल्यो. आमीआमच्या जाणटेल्या कडल्यान काणयो आयकूंक जाय. आमचे मातयेंत खूब कितें लिपूनआसा. तें सोदून काडपाक आमी वावुरपाक जाय अशें तांणी म्हणलें.
काणयांचो दर्जो खबू बरो आशिल्लो. काणयांतल्यानआत्मविस्वास आनी आभिव्यक्ती विकास जाता. प्रागतीक विचार आनी नव्यो काणयोआयकूंक मेळ्ळ्यो अशें विचार प्रशिक्षक डॉ. तन्वी कामत बांबोळकार हिणें मांडले.
येवकाराचें उलोवप मंडळाची अध्यक्ष रत्नमाला दिवकारहिणें केलें. मंडळाच्यो कथामाळ आनी पेटूल ह्योदाेनूय उत्तम अशे भाशा मंडळाचे शिक्षणीक उपक्रम आसात. दर वर्सा भुरग्यांचो आंकडो वाडटाही खोसदीणी गजला आसा अशें सांगलें.
उपकार उल्हास गांवकार हांणें मानले. सुत्रसंचालनपुर्वा गुडेन केलें.
कथामाळेचो निकाल सकयल दिल्ले प्रमाण-
पयलो गट यत्ता पयली ते चवथीः पयलें इनाम यान्वी वळवयकार, विद्याभुवन कोंकणीशाळा, मडगांव, दुसरें इनाम विन्मयी सचीत गडेकार, सरकारीप्राथमीक विद्यालय, तिसरें इनाम आवनी नितीन गावेड, सरस्वतीविद्यालय, कवळें.
उमेद वाडोवपी इनामांः पयलें- रुचिता प्रभाकर वेळीप, श्री महालसानारायणी विद्यालय, दुसरें- निर्वी गांवकार सरकारी प्राथमीकनिद्यालय, हिवरें.
दुसरो गट यत्ता पांचवी ते सातवीः पयलें इनाम ग्रंथा महादेव मळीक, महालक्ष्मी विद्यालय, कोडणें,
दुसरें इनाम आयूश अनील बेळेकार, जी एस. आमोणकारविद्या मंदीर, म्हापशें, तिसरें इमाम श्रीश्टी आळवे, रवींद्र केळेकारज्ञानमंदीर, मडगांव.
उमेद वाडोवपी इनामांः पयलें- आरोही दीपक वेरेंकार, सेंट जॉन ऑफ द क्रॉस, विद्यालय, सांखळी, दुसरें काव्या तळेकार, जी. व्ही एम्स,उत्कर्श, तिसरें- शर्वी शांबा नार्क, श्री गणेशविद्यालय, म्हापशें.
तिसरो गट यत्ता आठवी ते धावीः पयलें इनाम- आविया नायक, सेंट जोझेफविद्यालय, वास्को, दुसरें इनाम- समर्थ गोकुळदास नायक, सर्वोदयविद्यालय, कुडचडें, तिसरें- रिध्दी सांगाळे, सारस्वत विद्यालय.
उमेद वाडोवपी इनामांः पयलें- श्रीअंश सुभाजी, हरमल पंचक्रोशीविद्याल, दुसरें- संकल्प सुहास वेळीप, डॉ सखारामगुडे विद्यालय, शिरोडें.
इनामां कवी रेमश घाडी, आदलेशणै गोंयबाब सर्तीचे संयोजक सुरेल तिळवे, मंडळाची अध्यक्ष रत्नमाला दिवकार हांचेहस्तुकीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
