भांगरभूंय | प्रतिनिधी
भांगरभूंय । पत्रक
पणजीः गोंय ज्युडो मार्शल आर्ट असोसिएशनान आयोजीत केल्ल्या उत्तर गोंय जिल्हो ज्युडो सर्तींत पर्वरीच्या शांतीनगर ज्युडो पंगडात चडांत चड पदकां जिखलीं. ह्या खेळगड्यांक मुखेल कोच नित्यानंद जुवेकार आनी शशी सहानी, काशितीज परब आनी रुपम चौधरी हांचें मार्गदर्शन मेळिल्लें.
कळंगूटे असोसिएशनाच्या सभाघरांत जाल्ले हे सर्तींत शांतीनगराच्या शुभ्रा मोरजकार, अकुल आगशीकारान भांगरां पदकां जिखलीं. सुवेध देसाय आनी अवनी नांबियार हांका रुप्या पदकां आनी श्रेयशी फडते, पार्थ नायक आनी हार्दिक जोशी हांका कांस्या पदकां फावो जालीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
