भांगरभूंय | प्रतिनिधी
खबरां संस्था
दुबयः आशियाई टी-20 कप क्रिकेट सर्तीचें वेळापत्रक जाहीर केला. ताच्या प्रमाण 28 ऑगस्टाक भारत आनी पाकिस्तान ह्या पारंपरीक प्रतिस्पर्धी पंगडांत मॅच जातली. ही मॅच दुबयत सांजे 6 वरांचेर खेळयतले. फायनल 11 सप्टेंबराक जातली.
हाचे पयलीं टी-20 वर्ल्ड कप सर्तींत 24 ऑक्टोबराक ह्या दोनूय पंगडां मदीं मॅच जाल्ली आनी पाकिस्तानान ती 10 विकेटींनी जिखल्ली. हे हारीचो बदलो घेवपाची संद भारताक मेळटली. आशिया टी-20 सर्त 27 ऑगस्टाच्यान सुरू जातली.
सर्तीची पात्रताय फेरी 21 ऑगस्टाच्यान सुरू जातली. तातूंत यूएई, ओमान, नेपाळ, हाँगकाँग सयत हेर पंगड आसतले. भारत, पाकिस्तान, श्रीलंका, अफगाणिस्तान आनी बांगलादेश प्लेऑफ खातीर पात्र थारल्यात. निमाणी आशिया कप सर्त 2018 वर्सा यूएईंत जाल्ली. हे फावट आशिया कप सर्त 20-20 ओव्हरींची आसतली. फाटली सर्त 50-50 ओव्हरींची आशिल्ली. भारत तातूंत वस्ताद थारल्लो. भारतान वट्ट सात फावट ही सर्त जिखल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
