भांगरभूंय | प्रतिनिधी
पणजी: कॅसिनो कडल्यान अटींचें उल्लंघन जायत आशिल्ल्यान सरकारान गोंय भौशीक जुगार कायद्यांतल्या तरतुदी प्रमाण व्हड प्रमाणांत दंड आकारपाची अधिसुचोवणी जारी केल्या. अटींचें उल्लंघन जायत जाल्यार पयले फावटी 25 लाख रुपया, दुसरे फावटी 50 लाख रुपया जाल्यार तिसरे फावटी 75 लाख रुपयांचो दंड जातलो.
तशेंच सुरक्षा रक्कम जप्त करपा सयत परवानो निलंबीत करपाच्याय कलमाचो आस्पाव केला.
मांडवी न्हंयेंत कॅसिनोंक परवानो दितना विवीध अटी घाल्यात. कोयर तशेंच घाण उदकाचो विलो योग्य प्रकारान लावपा बराबर संगिताच्या आवाजांतूय निर्बंध घाल्यात. नेम तशेंच अटींचें उल्लंघन करीत जाल्यार आतां व्हड प्रमाणांत दंड भरचो पडटलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
