भांगरभूंय | प्रतिनिधी
पणजी: विनियोग विधेयका सयत हेर विधेयकां संमत जाले उपरांत गोंय विधानसभेच्या पावसाळी अधिवेशनाचो शुक्रारा समारोप जालो. 21 जुलयाक अधिवेशन सुरू जावन ते 15दीस चल्लें.
मुख्यमंत्री डॉ. प्रमोद सावंत हांणी 2025 – 26 वर्सा खातीर मांडिल्या अर्थसंकल्पाचेर पयले तीन दीस चर्चा जाल्ली. निमाण्या दिसा अर्थसंकल्पाक मान्यताय दितनाच मुख्यमंत्री डॉ. प्रमोद सावंत हांणी अर्थसंकल्पाच्या खर्चाक मान्यताय घेवपी गोंय विनियोग विधेयक संमत करून घेतलें. अंदूंचो अर्थसंकल्प हो चवथेच्या माटोळी सारको आसा आनी तो स्वयंपूर्णतेक उर्बा दिवपी आसा अशें मुख्यमंत्री डॉ. प्रमोद सावंत हांणी विनियोग विधेयकाचेर उलयतना सांगलें.
अधिवेशनांत 896 तारांकीत आनी 3330 अतारांकीत प्रस्न मांडले. झिरो आवराक 180 विशयांचो उल्लेख जावन 30 लक्षवेधी सुचोवण्यांचेर चर्चा जाली. गोंयच्या 12 हजार विद्यार्थ्यांनी अधिवेशन काळांत विधानभवनाक भेट दिली.
सरकारी तशेंच कोमुनिदाद जमिनी वेली 2014 पयलींचीं घरां/बांदकामां अधिकृत करपी स्वतंत्र विधेयकांक सभाघरान मान्यताय दिली. कामकाज सल्लागार समिती सयत तरेकवार अहवाल सभाघरांत सादर जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
