भांगरभूंय | प्रतिनिधी
पणजी: उत्तर गोंय जिल्लो न्यायदंडाधिकार्यान पेडणें म्हालांतल्या सावळवाडो पत्रादेवीच्या सरकारी मुळाव्या शाळेच्या गेटी सावन ५ मिटर अंतराचेर, सक्राळच्या साई विद्यामंदीर हायस्कुलाच्या प्रवेश गेटी सावन ८ मिटर अंतराचेर आनी तोरशेंच्या सरकारी मुळाव्या शाळेच्या दुरीगाच्या वणटी सावन ५ मिटर अंतराचेर, फकिरपाटोच्या सरकारी मुळाव्या शाळेच्या प्रवेश गेटी सावन ९ मिटर अंतराचेर, लंगरबागच्या सरकारी मुळाव्या शाळेच्या दुरीगाच्या ५ मिटर अंतराचेर दोनीय वटेन रस्त्यांचेर स्पीडब्रेकर घालून येरादारीक सुचोवणी दिवपी तखटे लावपाचो आदेश दिला.
तशेंच वझरीच्या हिरा फार्मा वटेन वचपी रस्त्याचेर जंक्शना सावन १० मिटर अंतराचेर, नागझर वटेन वचपी रस्त्याचेर ज्ञानदीप अकादमी हायस्कुला सावन २० मिटर अंतराचेर आनी कासरवर्णे वटेन वचपी रस्त्याचेर पुर्वा हांगाच्या मुळाव्या शाळेच्या प्रवेश गेटीसावन २० मिटर अंतराचेर स्पीडब्रेकर घालून येरादारीक सुचोवणी दिवपी तखटे लावपाचो आदेश दिला.
तशेंच तोरशें पंचायत वाठारांतलो म्हामार्ग ते फकिरपाटो रस्तो दोनीय वटेच्यान जड वाहनां खातीर ‘नो एन्ट्री’ केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
