भांगरभूंय | प्रतिनिधी
पणजी : गोंय सरकाराच्या अंदूंच्या अर्थसंकल्पांतले घोशणे प्रमाण, पत्रकारांक ५० टक्के अनुदानाचेर ई-बायक दिवपाची येवजण म्हायती संचालनालया वरवीं अंमलात हाडल्या. आतां मेरेन २८ पत्रकारांक इ-बायक वाटल्यात. उरिल्ल्या लावार्थ्यांक बेगीनूच गाडयो दितले, अशी म्हायती मुख्यमंत्री डॉ. प्रमोद सावंत हांणी दिली.
हे विशीं मुखार उलयतना मुख्यमंत्र्यान सांगलें, पत्रकारांचें काम सोपें जावचे खातीर ह्या येवजण्यां खाला ह्यान पयलीं १३ पत्रकारांक लॅपटॉपूय दिल्ले. हे सगले उपाय पत्रकारांचो सदचे जिणेंतलो ताण उणो करपाक करतात. राज्य सरकार पत्रकारांच्यो वेवसायीक गरजो लक्षांत घेवन विवीध सवलती आनी सुविधा उपलब्ध करून दिवपाचो यत्न करता. येवजणेचो फुडलो पांवडो बेगीनूच पुराय करतले अशें तांणी विधानसभेच्या वाठारांत पत्रकारां कडेन उलयतना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
