भांगरभूंय | प्रतिनिधी
पणजी : वास्कोचे नामनेचे उद्देजक, समाजवावुरपी परेश जोशी (75) आयज बुधवारा संवसाराक अंतरले. फाटले कांय तेंप ते दुयेंत आशिल्ले. साहित्यीक ललिता जोशी ही तांची घरकान्न. मुरगांवचे आदले आमदार सर्गेस्त वसंत सुब्राय जोशी हांचे ते पूत.
उद्देजक मळार नांव जोडिल्ले जोशी हे दूरदृश्टीचें फुडारपण आनी समाजीक उदरगती खातीर प्रसिद्ध आशिल्ले. अ. गोंय पॅत्राॅल वितरक संघटनेचे ते 1988 ते 2022 मेरेन 34 वर्सां अध्यक्ष आशिल्ले. 125 व्या दामोदर सप्ता उत्सवाचे ते अध्यक्ष आशिल्ले.
फाटलीं बरींच वर्सां वास्कोच्या उद्देगीक उदरगतींत तांणी म्हत्वाची भुमिका केल्ली. साबार सामाजीक उपक्रमांनीय ते वांटो घेताले. पंचाहत्तरी निमतान तांचो पोरण्यां गोंयां राज्यपाल राजेंद्र आर्लेकार हांचे हस्तुकीं भोवमान जाल्लो. कला अकादमीचे ते दोन फावट उपाध्यक्ष आशिल्ले. वास्कोचे नगराध्यक्ष म्हूणय तांणी काम केलां.
झुवारीनगरांतल्या एमईएस वसंत जोशी महाविद्यालयाचे ते उपाध्यक्ष आशिल्ले. त्यांच्या मरणा विशीं उद्देग, राजकी, समाजीक, संस्कृतीक मळा वयल्या जायत्या मानेस्तांनी दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
