भांगरभूंय | प्रतिनिधी
पणजी: सूक्ष्म, ल्हान आनी मध्यम उद्देग विकास आनी सुविधा कार्यालय (मडगांव), भारत सरकार हांचे वतीन गोंय राज्यांत पीएम येवजण्यांची अंमलबजावणी करता. हे येवजणे प्रमाण २० ते २२ ऑगस्ट मेरेन डॉ. श्यामा प्रसाद मुखर्जी स्टेडिएम, बांबोळी हांगा आयोजीत गोवा हॉस्पिटॅलिटी प्रदर्शनांत सहभागी जावपाक आदार दितले. हे प्रदर्शन कार्यावळींत वांटो घेवपा खातीर गोंय राज्यांतल्या सूक्ष्म, ल्हान आनी मध्यम उद्देंगांक उर्बा दितले.
हे प्रदर्शन कार्यावळींत वाटो जावपा खातीर एमएसएमई कडल्यान १० ऑगस्ट मेरेन ऑनलायन अर्ज मागयल्यात. कमर्सिएल किचन इक्विपमेंट, हॉटेल फर्निशींग्स, रेस्टोरंट, बेकरी, फुड एण्ड ब्रेव्हरेजीस उत्पादक आनी सेवा दिवपी वेवसायिकांनी ह्या प्रदर्शनांत सहभागी जावपा खातीर आपल्या उद्यम नोंदणी नंबरा वरवीं ऑनलायन अर्ज करचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
