भांगरभूंय | प्रतिनिधी
मडगाव : काणकोण- मडगांव महामार्गार नवेबांध बाळ्ळी हांगा ट्रकान धपको दिल्ल्यान गंभीर जखमी जाल्लो कमलेश गांवकार (३४, रा. बार्से) हांकां शेनवारा मरण आयलें. हे विशीं कुंकळ्ळी पुलिसांनी ट्रकचालकाचेर गुन्यांव नोंद करून ताका ताब्यांत घेतला.
कुंकळ्ळीच्या नवेबांध बाळ्ळी हांगा मडगाव ते काणकोण राष्ट्रीय महामार्गावेल्या वोल्तार शेनवारा सांजेवेळार हो अपघात जालो. कर्नाटकांतलो नोंदणीकृत ट्रक घेवन ट्रकचालक वदराज नायक (रा. यल्लापूर, कर्नाटक) हो कुंकळ्ळीच्यान बाळ्ळी वटेन वतालो. गोवा काजू दरबारच्या लागसारच्या वोल्तार ट्रकान मुखारच्यान येवपी दुचाकीचेर मारलो. हातूंत चालक कमलेश गावकर हो गंभीर जखमी जाल्लो. ताका उपचारा खातीर दक्षीण गोंय जिल्लो हॉस्पिटलांत दाखल केलो. थंय ताका मरण आयलें. कुंकळ्ळी पुलीस निरीक्षक डायगो ग्रॅसिअस हांच्या मार्गदर्शना खाला पुलीस उपनिरीक्षक सुदन भोसले हे विशीं फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
