भांगरभूंय | प्रतिनिधी
पणजी : गुंतवणूक उर्बा म्हामंडळाच्या (आयपीबी) नावाचेर सरकारान हरीत तशेच पडीक जमनीचें रूपांतर केलां, असो आरोप प्रदेश काँग्रेसीचे अध्यक्ष अमित पाटकार हांणी केलो. आयपीबीच्या प्रस्नाक दिल्ले जापेतल्यान ही गजाल स्पश्ट जाल्या, अशें तांणी म्हणलें.
पाटकार हांणी काँग्रेस हावजात पत्रकार परिशद घेतली. हे वेळार उत्तर गोंय जिल्हो अध्यक्ष वीरेंद्र शिरोडकार आनी सावियो डिसील्वा हाजीर आशिल्ले.
अधिवेशनात काँग्रेसीच्या आमदारांनी सरकाराचो गैरवेवहार उक्ताडार हाडलो. गुंतवणूक उर्बा म्हामंडळाच्या (आयपीबी) कायद्याचो आदार घेवन सरकारान हरीत आनी पडीक (ऑर्चड) जमनीचे रूपांतर केल्ल्याचे जापेतल्यान स्पश्ट जालां. युरी आलेमाव हांचे प्रस्नाक जाप दितना 8 प्रकल्पां खातीर हरीत तशेच पडीक जमनीचे रूपांतरण जाला, अशें सरकारान म्हणला. रिसॉर्ट, बीवरेज कंपन्यो तशेच ओएनजीसी प्रकल्पाचो हातूत आस्पाव आसा, अशें अमीत पाटकार हांणी म्हणला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
