भांगरभूंय | प्रतिनिधी
सरकाराचें नांव लागिल्ल्या मुळाव्या गोंयकारांच्यो जमनी दिवपाची तजवीज ना : आरजी
पणजी : गोंय भूंयमहसूल कायद्यांत दुरूस्ती करून अनधीकृत बांदकामां अधीकृत करपाची तजवीज आशिल्लें विधेयक हें मूळ गोंयकारांक न्हय जाल्यार भायल्यान आयिल्ल्या लोकांक लाव दिवपी आसा, असो आरोप आरजीचे आमदार विरेश बोरकार हांणी केला.
पत्रकार परिशदेंत तांणी हो आरोप केलो. हालींच्या काळांत भायल्यान जे लोक आयल्या तांणी सरकाराच्या ४०० चौमी मेरेनचे सुवातेर घरां बांदल्यांत. ह्या लोकांचीं घरां नियमीत (अधीकृत) जातलीं. मूळ गोंयकारांच्यो जमनी ४०० चौमी परस चड आसा. मूळ गोंयकारांच्या कांय जमनींचेर सरकारचें नांव लागलां. हो कायदो जाले उपरांत घर अधीकृत करपा खातीर ४०० मीटरां परस चड आशिल्लो जागो मूळ गोंयकारांक सरकाराचे सुवादीन करचो पडलो. विधेयकांतली ही तजवीज मूळ गोंयकारांक म्हारग थारतली, असो आरोप विरेश बोरकार हांणी केलो.
ज्या गोंयकारांच्या जमनीचेर सरकाराचें नांव लागलां त्यो जमनी गोंयकारांच्या नांवार जावपाक जाय. सरकाराक गोंयकारांच्यो जमनी गोंयकारांक दिवपाच्यो ना. हाका लागून हो कायदो गोंयकारांच्या हिताचो ना, असो आरोप विरेश बोरकार हांणी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
