भांगरभूंय | प्रतिनिधी
माणक्यो आनी सुंगटांक वाडटी मागणी
भांगरभूंय । प्रतिनिधी
पणजीः फाटल्या तीन वर्सांत गोंया सावन 1.63 लाख टन इतले नुस्तें भायले देशांनी निर्गत जाल्या आनी ह्या नुस्त्यांक 2,700 कोटी रुपया इतले मोल फावो जाला. सुंगटा आनी माणक्यांक व्हडली मागणी भायल्या देशांनी आसा, अशी लेखी जाप नुस्तेमार मंत्री निळकंठ हर्ळणकार हांणी विधानसभेंच्या पटलार दिला.
वाणीज्य आनी उद्देग मंत्रालया सकयल स्थापन मरीन प्रडोक्ट्स एक्सपोर्ट डेव्हलपमेंट ओथोरीटी, (एमपीइडीए) देशांत तशेंच गोंयातल्यांन जावपी नुस्त्याची निर्गत हाताळटा. जे दर्यांतलें नुस्त्यांचें आनी नुस्त्यांचेर प्रक्रिया केल्ले अन्नाचे निर्गतदार आसात तांका एमपीइडीए सकयल नोंदणीकरण करप सक्तीचें आसा. गोंयांत नुस्तें निर्गत करपी 13 निर्गतदार आसात आनी 14 नुस्तें अन्न प्रक्रिया युनीट आसात.
वर्स 2022-23 ते 2024-25 ह्या अर्थीक वर्सांचे मजगतीं 1,63,969 टन इतले गोंयचें नुस्तें भायल्या देशांनी निर्गत जाल्या आनी ह्या नुस्त्यांक 2,729 कोटी इतले मोल फावो जाला. वर्स 2022-23त 63,333 टन इतले नुस्त्याची निर्गत जावन रु. 1007 कोटी इतले मोल आयला, 2023-24त 55,167 टन इतले नुस्त्याची निर्गत जावन रू. 934 कोटी इतले मोल आयला आनी 2024-25त 45,469 टन नुस्त्याची निर्गत जावन रु. 788 इतले मोल आयला. हातूंत झेलान गोठयल्ली सुंगटा, माणक्यो, दादले माणक्यो (कटल फिश) हेर तरांचे नुस्तें आनी प्रक्रिया केल्ल्या नुस्त्यांचो आसपाव आसा. खारे आनी ताजे नुस्त्यांची आयात जायना.
सुंगटां
निर्गत- 10,945 टन
मोल- 481 कोटी
हेर तरांचे नुस्तें
निर्गत- 12,986 टन
मोल- 1585 कोटी
दादले माणक्यो (कटल फिश)
निर्गत- 1,490 टन
मोल- 50.36 कोटी
माणक्यो
निर्गत- 17,679 टन
मोल- 532 कोटी
प्रक्रिया केल्ले नुस्तें
निर्गत- 3,996 टन
मोल- 76 कोटी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
