भांगरभूंय | प्रतिनिधी
आवाजाच्या प्रदुशणा विशीं घेतली दाखल
पणजी : उक्ते सुवातेर आयोजीत संगीतकार्यावळींतल्या आवाजाच्या प्रदुशणा विशीं दाखल केल्ली अवमान याचिका निकालांत काडटना, गोंय राज्य प्रदूशण नियंत्रण मंडळाक (जीएसपीसीबी) खर उपाय येवजण राबोवपाचे निर्देश गोंयच्या मुंबय उच्च न्यायालयान दल्यात.
उक्त्या सुवातांचेर संगीत वाजोवपी सगल्या कार्यावळींच्या सुवातांचेर आतां ठळकपणान आवाज मर्यादेचो तखटो लावप न्यायालयान सक्तीचें केलां. हाका लागून आयोजक आनी नागरीक हाकां कायदेशीर मर्यादांची जाणीव उरतली, असो हेतू आसा. प्रदूशण नियंत्रण मंडळाक आतां न्यायालयाचे हे निर्देश खरपणान पाळचे पडटले. थारिल्ल्या आवाजाचे नेम मोडप्यांचेर दंडात्मक कारवाय करपाचो अधिकारूय तांकां दिला.
गोंयच्या पर्यटन आनी नायट लायफ मळार वाडपी आवाजाच्या प्रदुशणाच्या कागाळींचे फाटभूंयेर हो निर्णय घेतला. निवासी आनी पर्यावरण-संवेदनशील भागांत भलायकेचेर जावपी परिणामांची दखल घेवन न्यायालयान हो आदेश दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
