भांगरभूंय | प्रतिनिधी
पणजी : गोंय तांत्रीक शिक्षण संचालनालयान (डीटीई) नीट आधारीत वैजकी अभ्यासक्रम आनी बी. फार्मसी प्रवेशा खातीर नियोजीत आशिल्ली प्रवेश फेरी आतां ५ ऑगस्टाक घेतले अशी म्हायती दिल्या. मॅडिकल कावंसिलींग कमिटीच्या (एमसीसी) सुधारीत प्रवेश वेळापत्रकाचे फाटभूंयेर हो निर्णय घेतला.
ही फेरी ह्यान पयलीं १ ऑगस्टाक जावपाची आशिल्ली, मात आतां विद्यार्थ्यांक प्रवेशा खातीर आनीक कांय दिसांची मुजत मेळटली. सुदारीत वेळापत्रक डीटीईचे वेबसायटीचेर (www.dte.goa.gov.in) उपलब्ध आसा. सगल्या पात्र उमेदवारांनी आपल्या अभ्यासक्रम, प्रवर्ग आनी मेरिट क्रमांका प्रमाण दिल्ल्या वेळार आनी तारखेर प्रवेशा खातीर उपलब्ध रावपाचें डीटीईन स्पश्टपणान सांगलां. वेळार हजर रावना जाल्यार प्रवेश संदीचेर परिणाम जावपाक शकता. विद्यार्थ्यांनी नियमितपणान अधिकृत वेबसायट तपासची असोय उलो डीटीईन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
