भांगरभूंय | प्रतिनिधी
पणजी : गोंयांत फाटल्या 24 वर्सां विवीध उद्देगीक वसणुकेंतले 105 युनीट बंद पडल्यात. तातूंतले 40 टुनीट (38 टक्के) 2021 ते 2025 ह्या काळांत बंद पडल्यात. बंद पडिल्ल्या युनिटांतले सगल्यांत चड 29 युनीट कुंकळ्ळी उद्देगीक वसणुकेंतले आशिल्ले. उद्देग मंत्री मॉवीन गुदिन्हो हांणी विधानसभेंत दिल्ले लेखी जापेंतल्यान ही म्हायती मेळ्ळ्या. हे विशीं आमदार व्हेन्झी व्हिएगश हांणी अतारांकीत प्रस्न उपस्थीत केल्लो.
जापेंत दिल्ले म्हायती प्रमाण, बंद पडिल्ल्या वट्ट युनिटांतले वेर्णे वसणुकेंतले 17, खोर्ली वसणुकेंतले 16, सांकवाळ वसणुकेंतले 15, मडकय आनी तुयें वसणुकेंतले दरेकी 5, बेतोडेंचे 4, काणकोणचे 4, कुंडयचे 3, काकोडें, पिसुर्लें, थिवी आनी दिवचल वसणुकेंतले दरेकी एक युनीट बंद पडल्यात. 104 तले 102 युनीट बंद पडिल्ल्याचें कारण खबर ना, अशें म्हणलां. एका युनिटाक बँकेन नोटीस धाडिल्ली जाल्यार हेर एक युनीट गुजरात पुलिसांनी सील केल्लें. गोंयांत वट्ट 21 कडेन उद्देगीक वसणुको चलतात. जाल्यार किटल, लाटंबार्से आनी धारबांदोडेंची वसणूक अजून सुरू जावंक ना. सध्या वेर्णें उद्देगीक वसणुकेंत 523 युनाट आसात. तातूंतले 395 चालू आसात, जाल्यार 17 चलनात तशेंच 54 युनीट वापरांत ना. कुंडयच्या 409 तले 333 चालू आसात, 4 चें बांदकाम चालू आसा. तुयेंच्या 129 तले 66, थियेच्या 129 तले 114, दिवचलच्या 139 तले 131 युनीट चालू आसात, अशें जापेंत म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
