भांगरभूंय | प्रतिनिधी
पणजी : वेर्णाच्या केसरवाळ झर्याच्या सोबितीकरणा विशीं उलयतना उदकास्त्रोत मंत्री सुभाष शिरोडकार हांणी, वेर्णाच्या केसरवाळ झर्याच्या सोबितीकरणा खातीर सुमार १३ कोटींचो प्रस्ताव तयार केला. सध्या ही येवजण तांत्रीक आनी प्रशासकीय मंजुरीची वाट पळयता, अशी म्हायती तांणी सोमारा दिली.
मंजुरी मेळ्ळे उपरांत निविदा प्रक्रिया पुराय जावपा खातीर २ ते ३ म्हयने लागतले. केसरवाळ झर्याचें धर्मीक, पर्यटन आनी सिंचना खातीरचें म्हत्व लक्षांत घेत हें सोबितीकरण गरजेचें आशिल्ल्याचें मंत्री शिरोडकार हांणी नमूद केलें.
ह्या प्रकल्पाक लागून झर्याच्या वाठारांतलें सैमीक सोबितीकरण, मुळाव्यो सुविधा आनी उदका वेवस्थापन सुधारपाक मजत जातली. तशेंच, पर्यटन आनी शेती दोनूय मळांचेर हाचो लाव जातलो, असो सरकाराचो विस्वास आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
