भांगरभूंय | प्रतिनिधी
फोंडें: आमदार गोविंद गावडे हांका धक्को दित भोम अडकोण पंचायतीच्या स पंच वांगड्यांनी सरपंच सुनील नायक हांचेर अविस्वास थाराव दाखल केला. सुनील नायक हे आमदार गोविंद गावडे हांचे समर्थक.
सुनील धर्मा नायक, दामोदर श्रीकांत नायक, अब्दुल रहमान खान, प्रतिमा संजय फडते गांवकार, मिताली सोमनाथ फडते, शैला आदिनाथ नायक, ह्या स पंच वांगड्यांनी सरपंच सुनील नायक हांचे आड अविस्वास थाराव दाखल केला. वट्ट सात वांगड्यांचे पंचायतींत आतां सुनील नायक हे एकटे पडल्यात. कांय दिसां आदीं बेतकी-खांडोळेचे सरपंच आनी उपसरपंचाचेर अविस्वास थाराव आयिल्लो. मात वेळार एका पंच वांगड्याचें मन वळोवपाक गोविंद गावडे हांकां येस आयिल्ल्यान तो अविस्वास थाराव आडकल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
