भांगरभूंय | प्रतिनिधी
पणजी : झर्मे-सत्तरीचे गायक आनी कलाकार सुशांत गांवस (३५) हांकां आयतारा मध्यान रातीं उण्या काळाच्या दुयेंसान मरण आयलें. तांचेर जीएमसींत उपचार चलताले.
गांवस हांणी गोवा कला अकादमींत संगीताचें शिक्षण घेतिल्लें. तांणी गोंयच्या संगीत मळार स्वताचे स्वतंत्र स्थान निर्माण केलें. गांवगिर्या वाठारांतल्यान आयिल्ल्या ह्या कलाकारान गोंयचे भजनी परंपरेक नवी दिका दिली. वास्कोच्या सप्तकाक तशेंच राज्यभर देवळांनी आयोजीत भजन मैफिलींत तांणी जायते फावट गायक म्हणून वाटो घेतिल्लो.
सोमारा दनपरां तांचे कुडीचेर निमाणे संस्कार जाले. ह्या वेळार संगीत, सांस्कृतीक आनी समाजीक मळावेल्या मानेस्तांनी तांकां आर्गां आोपलीं
सुशांत गांवस हांच्या अचकीत वचपान गोंयच्या संगीत आनी भजनी मळार दुख्ख पातळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
