भांगरभूंय | प्रतिनिधी
बाराबंकी, खबरां संस्था: श्रावण म्हयन्यांतल्या पयल्याच सोमारा उत्तरप्रदेशांत एक भिरांकूळ घडणूक घडली. बाराबंकीच्या औसनेश्वर महादेव देवळांत खेटाखेट जाली. हे घडणुकेंत दोन भक्तांक सुवातेचेरुच मरण आयलें, जाल्यार बायलो आनी भुरग्यां सयत २९ जाण जखमी जाले. आयतारा मध्यानरातीं २ वरांचेर जलाभिषेक वेळार देवळाच्या वाठारांत अचकीत विजेचो शाॅक येता असो बोवाळ जाल्ल्यान लोक धांवले आनी ही दुर्घटना जाली.
चड म्हायती प्रमाण, घडणुके सुवातेर व्हडा प्रमाणांत पुलीस बंदोबस्त दवरिल्लो. खेटाखेटी वेळार जखमी जाल्ल्यांक रोखडेच ऍम्बुलन्सींतल्यान भलायकी केंद्रांत व्हेले. कांय गंभीर जखमींक जिल्लो हॉस्पिटलांत व्हेले.
जिल्हो दंडाधिकारी शशांक त्रिपाठी हांणी सांगलें, कांय माकडांनी विजेच्या सरयांचेर उडी मारली. हाका लागून सरयो तुटून देवळाच्या वाठारांतल्या पत्र्याचे शेडीर पडल्यो. हाका लागून कांय जाणांक शाॅक लागलो आनी बोवाळ जातकच खेटाखेट जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
