भांगरभूंय | प्रतिनिधी
भांगरभूंय । खेळां मेज
पणजीः हिमाचल प्रदेशांतल्या कांगडा हांगच्या मोहीत आनी म्हापश्यांचें दक्षयानी मुरगोड हांणी आयतारा बांबोळी हांगा आयोजीत केल्ले 8वे गोंय पर्यटन-बीएनआय रोटरी रेन रन 2022त 21 किलोमीटर हाफ मरेथॉन जिखली. मोहितान 1 वर 31 मिनटां आनी 53 सेकंद जाल्यार दक्षयानीन 2 वरां 17 मिनटां 43 सेंकदांक हें अंतर पुराय केलें. 10 किलोमीटरांच्या उक्ता गटांत पर्वरीच्या प्रद्मु्म्न नायकान 37.04 मिनटांत जाल्यार कर्नाटकांतल्या सिरशीच्या 9वे यत्तेंच शिकपी अमृता जॉर्जान 52.57 मिनटांच ही सर्त जिखून अणभवी सर्तकांत धपको दिलो.
45 वर्सा पिराये वरच चड पिरायेच्या 21 किमी व्हेटरन्स गटांत भारतीय नौदलाच्या सुबेसिंग यादवान हें अंतर 1.42.33 वेळांत पुराय केलें. मुंबयचें मेरेथॉनर क्रांती साळवीन हे अंतर 2.0.18 वेळांत पुराय केलें. तशेंच 10 किमी व्हेटरन्स गाटांत फोंड्याच्या नरेश कुमारान 55.18 मिटांत जाल्यार म्हापश्याच्या लीना कामत हिणे 1.0.56 मिनटांत पुराय केलें.
निकाल फुडले भशेनः 21 किमी उक्ती सर्त- 1- मोहीत (हिमाचल प्रदेश) 2- योगेंद्र सिंग (नौदळ, वास्को), 3- पांडुरंग बोडणे, (बीड, महाराष्ट्र). बायलांची 21 किमी उक्तीः 1- दक्षयानी मुरगोड (म्हापशें), 2- दुरैया लोखंडवाला (पणजी), 3- श्रद्धा तारकार (पणजी). 21 किमी व्हेटरन्स (दादले) 1- सुब्रेसिंग यादव (नौदल, वास्को), 2- मेलवीन फर्नांडीस (उत्तर गोंय), 3- दामोदर वेर्लेकार (वार्का). 21 किमी व्हेटरन्स (बायलो) 1- क्रातीस साळवी (मुंबय), 2- फातिमा डिसा (पणजी), 3- चेन यालिंग
10 किमी दादले उक्तो गटः 1- प्रद्मुम्न नायक (पर्वरी), आकाश आगरवडेकार ( पणजी), 3- विनायक गांवकार (वास्को). 10 किमी बायलो उक्तो गटः 1- अमृता जॉर्ज (रिरसी- कर्नाटक), 2- क्लोरिसा कोस्ता (पणजी), 3- लाईन शेट्टी (पणजी). 10 किमी व्हेटरन्स दादलेः 1 नरेश कुमार (फोंडें), 2- शरद वारीक (फोंडें), 3- प्रणय नायक (फोंडें). 10 किमी बायल व्हेटरन्सः 1- लीना कामत (म्हापशें), 2- आशिमा अरोरा (म्हापशें), सुनिता सिंग (पणजी).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
