भांगरभूंय | प्रतिनिधी
पणजी : 15 वर्सां परस पोरण्या बशींक तात्पुरती मुजतवाड गोंय मोटार वाहन (शाळा बस नेम) नेमावळ, 2016 प्रमाण, शाळेच्या बशीं खातीर गाडयेची पिराय नोंदणीचे तारखे सावन चडांत चड 15 वर्सां आसचें, असो नेम 8 (3) त नमूद आसा. मात खूबश्या शिक्षणीक संस्था आनी शाळांनी 15 वर्सां पुराय जाल्ल्या बशीं खातीर फिटनेस आनी परवानो नुतनीकरणा खातीर सरकारा कडेन मागणी केल्ली. ही मागणी लक्षांत घेवन सरकारान शाळांनी तांच्यो स्वताच्यो बशी नाशिल्ल्यान आनी गांवगिऱ्या वाठारांतल्यान विद्यार्थ्यांचे येरादारी खातीर पर्याय उपलब्ध नाशिल्ल्याचे फाटभुंयेर, ह्या बशींक तीन वर्सांची तात्पुरती मुजतवाड दिल्या. मुजतवाडी खातीर तीन अटी घातल्यात. ते प्रमाण बशीक संबंदीत प्राधिकरणा कडल्यान वैध फिटनेस प्रमाणपत्र आसप गरजेचें आसा. सगले सुरक्षा नेम, प्रदुशण नियंत्रण नेम आनी हेर सगल्या नेम पाळप सक्तीचें आसा. संबंदीत शाळांनी ह्या तीन वर्सांचे मुजतींत पांवड्या पांवड्यान ह्यो पोरण्या बशींच्या बदला खातीर नियोजन सादर करप गरजेचें आसा, अशें येरादारी खात्यान आपल्या परिपत्रकांत नमूद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
