भांगरभूंय | प्रतिनिधी
वास्को: इमारतीचे तिसरे माळयेर काम करतना पांय निसरून जमनीर पडिल्ल्यान बसबराज अराकेरी (२७) हाका मरण आयलें. ही घडणूक २४ तारखेर घडली. ह्या प्रकरणांत वेर्णा पुलिसांनी असैमीक मरण म्हूण नोंद केल्या.
हे विशीं पुलिसांनी दिल्ले म्हायती प्रमाण, मुळचो हावेरी कर्नांटकाचो मात आतां झुआरीनगर रावपी बसवराज भाव प्रदीप हाचे सयत एका बांधकामाचे सुवातेर काम करताले. तिसरे माळयेवेल्या ओपन टॅर्रसीचेर काम करतना बसवराज हाचो पांय निसरलो आनी तो जमनीर पडलो. गंभीर जखमी जाल्ल्या बसवराज हाका उपचारा खातीर चिखले उपजिल्लो हॉस्पिटलांत व्हेलो. थंय ताका मरण आयिल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
