भांगरभूंय | प्रतिनिधी
ढाका, खबरां संस्था: सोमारा ढाका हांगचे एके शाळेचेर बांगलादेश हवाई दळाचे एक प्रशिक्षण विमान कोसळ्ळें. एपी खबरां प्रमाण, ह्या अपघातांत पायलटा सयत १९ जाणांक मरण आयलें. ह्या अपघातांत १६४ परस चड लोक जखमी जाल्यात. ६० परस चड जखमींक बर्न इन्स्टिट्यूटांत रेफर केलें. जखमी जाल्ल्या खुबश्या जाणांचेर उत्तरा मेडिकल कॉलेजींत उपचार सुरू आसात.
जखमींक हातगाडयेंतल्यान हॉस्पिटलांत व्हरता असो व्हिडियोय मुखार आयला. खुबश्या जखमी भुरग्यां हॅलिकॉप्टरान हॉस्पिटलांत व्हेले. सरकारान एका दिसाचें दुख्ख जाहीर केलां. अपघाताच्या वेळार शाळेंत वर्ग सुरू आशिल्ले आनी शेकड्यांनी विद्यार्थी थंय हजर आशिल्ले.
बांगलादेश लश्करान हवाई दळाच्या एफ-७ बीजीआय विमानाच्या अपघाताची पुष्टी केली. हें विमान चीनांत तयार केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
