रायचूर लागसार ४००० वर्सां आदले अवशेश मेळ्ळे
भांगरभूंय | प्रतिनिधी
रायचूर (मस्की), खबरां संस्था: कर्नाटकांतल्या मस्की शारा लागसारचो मल्लिकार्जुन दोंगोर आनी अंजनय्या स्वामी देवळाच्या वाठारांत सुरू आशिल्लें खणपाच्या कामा वेळार सुमार ४००० वर्सां आदलें अवशेश सांपडल्यात. हाका लागून ह्या वाठाराचें पुर्विल्लें म्हत्व परत अधोरेखीत जालां. ह्याच वाठारांत ह्यान पयलीं सम्राट अशोकाचो नामनेचो शिलालेख सांपडिल्लो.
सध्या मस्कींत कार्यरत आशिल्ल्या पुर्विल्ल्या संशोधकांच्या पंगडान ह्या भागांतले मनशाचे वस्तीचे पुरावे सोदून काडल्यात. ह्या भागात इ.स.पूर्व ११ व्या ते १४ व्या शतकादरम्यान (BCE) सुसंस्कृत मानवी वस्ती अस्तित्वात आशिल्ले, अशें पुरावे मुखार आयल्यात.
ह्या प्रकल्पांत भारत, अमेरिका आनी कॅनडाच्यान वट्ट २० परस चड संशोधक वांटेकार जाल्यात. तांणी आतां मेरेन मातयेचीं आयदणां, कलाकृती, उपेगी शस्त्रां आनी रांदपाचीं आयदणां अशें जायते पुर्विल्ले अवशेष सोदल्यात. हाचे वेल्यान त्या काळांत एक विकसीत आनी सांस्कृतीक नदरेन समृद्ध मानवी समाज अस्तित्वांत आशिल्ल्याचें स्पश्ट जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
