भांगरभूंय | प्रतिनिधी
म्हापशेंः काणका मोटारसायकल पायलट दुचाकी अपघातांत जखमी जाल्ली लक्ष्मी सावंथी (45, पर्रा) हिका उपचारा वेळार मरण आयलें. मोटारसायकल पायलटाचे मोटारसायकलीवयले नियंत्रण गेले उपरांत लक्ष्मी रस्त्यार पडून जखमी जाली.
शुक्रारा, 18 तारखेर सकाळीं सुमार 8.30 वरांचेर काणकाच्या मिल्टन मार्कीस जंक्शना लागसार हो अपघात जालो. त्याच रातीं उपचारा वेळार जखमी बायलेक जीएमसींत मरण आयलें.
पुलिसांनी दिल्ले म्हायती प्रमाण, मरण आयिल्ली लक्ष्मी सावंथी उपचारा खातीर म्हापशें जिल्लो हॉस्पिटलांत वचपाक घरांतल्यान भायर सरली. त्याच वेळार एक मोटारसायकल पायलट थंयच्यान वतालो. तिणे ताका आडायलो आनी ती मोटारसायकलीचेर बसून म्हापशें वटेन येताली.
काणकाच्या मिल्टन मार्कीस जंक्शना लागसार पावतकच रस्तो सारको नाशिल्ल्यान मोटारसायकल पायलटाचे मोटारसायकलावयले नियंत्रण गेले आनी फाटल्यान बशिल्ली लक्ष्मी रस्त्यार पडली. ह्या अपघातांत ती गंभीर जखमी जाली. उपरांत तिका म्हापशें जिल्लो हॉस्पिटलांत व्हेली आनी फुडल्या उपचारा खातीर जीएमसींत धाडली. थंय उपचार चालू आसतना तिका मरण आयलें. म्हापशें पुलिसांनी अपघाताचो पंचनामो केलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
