भांगरभूंय | प्रतिनिधी
म्हापशें: मापश्या बाजारांतल्या नुस्तें मार्केटांत घाऊक विक्रेत्यांच्या किरकोळ नुस्तें विक्रेक नुस्तें विक्रेत्यांनी आक्षेप घेतला. हाचो परिणाम, शेनवारा सावन वजनकाटो (तागडी) दवरून सुरू केल्लो किरकोळ वेवसाय बंद करपाची सुचोवणी म्हापशें मार्केट नुस्तें विक्रेता संघटणेन संबंदीतांक केल्या.
म्हापशेंच्या नुस्तें मार्केटांतल्या विक्रेत्यांक नुस्त्याची पुरवण करपी घाऊक विक्रेते हे सकाळीं ६ ते ९.३० मेरेन मार्केटाच्या भायर किरकोळ नुस्तें विकतात. हाका लागून बाजारांत नुस्तें विकत घेवपाक कोणूच गिरायकां येनात. हाका लागून ह्याच घाऊक विक्रेत्यां कडल्यान विकत घेतिल्लें नुस्तें विकीनात आनी हें नुस्तें विकपाक सांजेवेळार उसरां मेरेन बाजारांत विक्रेत्या बायलांक गिरायकांची वाट पळयत बसचें पडटा.
घाऊक विक्रेत्यांक लागून आपलो हो वेवसाय ठप्प जाल्ल्याचे फाटभूंयेर शुक्रारा १८ तारखेर सकाळीं म्हापशें नुस्तें मार्केटांतलीं नुस्तें विक्रेत्यो बायलो एकठांय आयल्यो. तांणी किरकोळ वेवसाय करपी घाऊक विक्रेत्यांक जाप विचारली. ह्यान फुडें वजन कांटो घेवन किरकोळ विक्री केल्यार परिणाम बरो जावचो ना, अशी शिटकावणी तांणी दिली.
नुस्तें विक्रेत्यांचो वाडपी विरोध पळोवन म्हापशें नुस्तें विक्रेती संघटणेची अध्यक्ष शशिकला गोवेकार हांणी हस्तक्षेप केलो. ह्यान फुडें कोणेंच घाऊक विक्रेत्याक मार्केटाचे भोंवतणी रावन किरकोळ नुस्तें विक्री करपाक दिवचे ना, अशेंय गोवेकार हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
