भांगरभूंय | प्रतिनिधी
हैदराबाद, खबरां संस्था: ऑपरेशन सिंदूरांत भारतान आपलें हवाई संरक्षण कंवच पुराय संवसाराक दाखयलें. आतां रोखडेंच संवसाराक वायुसेनेचें आनीक एक आंग दिसतलें. भारत संवसारांतलें पयलें ड्युअल स्टीलथ ड्रोन तयार करता. तें दुस्मानांच्या उच्च-रिझोल्यूशन रडार आनी इन्फ्रारेड सिग्नल आनी हल्ल्यां पसून कांय सेकंदां परस उण्या वेळान राखण करपाक सक्षम आसतलें.
‘रामा’ चिलखत हें ह्या ड्रोनाचें खाशेलेंपण
‘रामा’ हें एक स्वदेशी कोटींग मटेरियल आसा, जें रडार आनी इन्फ्रारेड डिटेक्शन ९७% उणें करता. सध्या, फक्त अमेरिका, चीन आनी रशियाकडेन रडारपसून लिपपी स्टेल्थ ड्रोन आसात. संरक्षण मंत्रालयाचे मजतीन हैदराबादची स्टार्टअप कंपनी वीरा डायनॅमिक्स आनी बिनफोर्ड रिसर्च लॅब हे ड्रोन विकसीत करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
