भांगरभूंय | प्रतिनिधी
बांंदकामाच्या दर्ज्याकूय बसता फटको: कंंत्राटदार
पणजी: गोंयांत कायदेशीर रेंव काडपाचेर बंंदी आशिल्ल्यान गोंया भायली रेंव कंंत्राटदारांंक म्हारग पडटा. ही रेंव उण्या दर्ज्याची आसता. भायले रेंवेक लागून बांंदकामाच्या दर्ज्याचेर परिणाम जावपा सयत बांंदकामाचो खर्च लेगीत वाडटा, अशें मत कंंत्राटदारांंनी उक्तायलें.
गोंयांत घरांं सयत हेर बांदकामांं व्हड प्रमाणांत सुरू आसा. हाका लागून रेंव व्हड प्रमाणांत लागता. पेडणें, दिवचल तशेंच गोंयच्यान येवपी रेंव सवाय पडटा, अशें अ. गो. कंंत्राटदार संंघटणेचे अध्यक्ष सुनील सिग्नापूरकार हांणी सांगलें.
गोंयांंत कायदेशीर रेंव काडपाचेर बंंदी आसा. हाका लागून भायल्यान येवपी रेंवेचेर निंंबून रावचें पडटा. ही रेंव येवपाक उशीर जाता. तशेंच ती बांंदकामां खातीर फावो त्या दर्ज्याची नासता. तातूंत खडीच्या पिठ्याची भेसळ आसता. येरादारीक लागून ती म्हारग पडटा. एक ट्रीप रेंवे खातीर 20 हजार रुपया मेजचे पडटात. हाका लागून बांंदकामाचो खर्च वाडटा. रेंव बंदीचो कंत्राटदारांंक व्हड प्रमाणांत फटको बसता. बंंदीक लागून बेकायदाे रेंव काडपाच्या प्रकारांंक उर्बा मेळटा. सरकारान कायदेशीर रेंव काडपाच्या मार्गातली आडखळ पयस करची. हाचो लाव सामान्य लोकांं सयत कंत्राटदारांंक लेगीत जातलो अशी कंत्राटदारांंची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
