भांगरभूंय | प्रतिनिधी
फोंडें: सावयवेर्यां काजुचे बागायतींत गेल्ल्या दोन शेतकरी भावांचेर गव्यान अचकीत हल्लो केल्ल्यान एक शेतकार जखमी जालो.
हे विशीं चड म्हायती प्रमाण, मंगळारा धर्मा गिरोडकार आनी दिनू गिरोडकार हे खामिणी दोंगरार आपले काजुचे बागायतींत काम करपाक गेल्ले. थंय अचकीत एका गव्यान तांचेर हल्लो केलो. हातूंत धर्म गिरोडकार हो गंभीर जखमी जाल्ल्यान ताका गोवा मेडिकल कॉलेजींत दाखल केला. ह्या गव्याच्या हल्ल्यांत दिनू गिरोडकार हाका दुखापत जाली.
ह्या भागाचे आमदार गोविंद गावडे हांणी घडणुकेची म्हायती घेवन तांणी म्हणलें, हालीं गवे रानां सोडून लोकांचे बागायतींत दिसपाक लागल्यात. हाचें कारण म्हळ्यार कांय सुवातांचेर लोकांनी रानां नश्ट करून उडयल्यांत. बागायती आनी काजवाच्या बागायतींत वतना जतनाय घेवप गरजेचें. हे विशीं रान खात्याच्या अधिकार्यांकडेन बसका घेतले आनी हाचेर उपाय काडपाचेर चर्चा करतले. जनावरांच्या हल्ल्यांत जखमी जावपी मनशांक योग्य मोबदलो मेळचे खातीरूय यत्न करतले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
