भांगरभूंय | प्रतिनिधी
पणजी : नॅशनल इन्स्टिट्यूट ऑफ ओशनोग्राफी (एनआयओ) हांगा आयोजीत राष्ट्रीय पांवड्यार स्टेनोग्राफर आनी ज्युनियर सचिवालय कनिष्ठ सहाय्यक (जेएसए) परीक्षे मजगतीं डमी उमेदवार म्हणून परिक्षा दिवपाचो यत्न करपी दोगांक पणजी पुलिसांनी ताब्यांत घेतले.
पुलीस सुत्रांनी दिल्ले म्हायती प्रमाण, दोगांनी फटींग वळखपत्र आनी बनावट कागदपत्रांच्या आदारार हेर उमेदवारांच्या नांवान परिक्षा बरोवपाचो यत्न केलो. हे दोगूय परीक्षेक बसपाक केंद्रार आयले तेन्ना परीक्षे पयलींच दुबाव आयिल्ल्यान तांकां आडायले. तपासांत तांचे कडेन बनावट कागदपत्रां सांपडलीं. ह्या प्रकरणांत फुडली चवकशी सुरू आशिल्ल्यान, बनावट कागदपत्रां आनी उमेदवारांची वळख पटपा खातीर पुलीस अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
