भांगरभूंय | प्रतिनिधी
मुख्यमंत्र्यांची : दुरुस्तीकामाची पळोवणी करून घेतलो नियाळ
भांगरभूंय । प्रतिनिधी
दिवचल : आमठाणे धरणांतल्या व्हॉल्वाचें दुरुस्तीकाम झुजा पांवड्यार चालू आसा. आधुनीक तंत्रज्ञानाचो वापर करून हें काम फुडल्या 10-12 दिसां भितर पुराय करतले, अशी म्हायती मुख्यमंत्री डॉ. प्रमोद सावंत हांणी दिली.
मुख्यमंत्र्यान सोमारा दुरुस्तीकामाची पळोवणी केली. कंत्राटदार आनी अधिकाऱ्यां वांगडा चर्चा करून बऱ्या दर्ज्याचें काम करचें, तशेंच ते बेगिनांत बेगीन पुराय करपाचे आदेश दिले.
दुरुस्तीकाम पुराय जाले उपरांत ताकतिकेन ह्या धरणांत उदक सांठयतले. फावोसो पावस पडून धरण योग्य प्रमाणांत भरतलें, अशी आस्त मुख्यमंत्र्यान उक्तायली. हें दुरुस्तीकाम हातांत घेतना सगले तरेची खबरदारी घेतल्या. ह्या कामाक हेर राज्यांतल्यान आधुनीक मशिनां आनी मनीसबळ लेगीत मागयलां, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
