भांगरभूंय | प्रतिनिधी
१८ जुलय मेरेन पोर्टला वरवीं विद्यार्थ्यांची म्हायती धाडप सक्तीचें
पणजी : अंदूंच्या शिक्षणीक वर्सा (२०२५ – २६) जे विद्यार्थी धावी आनी बारावेक आसात, तांची म्हायती पोर्टलाच्या आदाराचेर मंडळाक दिवप बंधनकारक आशिल्ल्याचें शालान्त मंडळान सगलीं विद्यालयां तशेंच उच्च माध्यमीक विद्यालयांक कळयलां. ही म्हायती १८ जुलय मेरेन दिवची, अशें परिपत्रक शालान्त मंडळान जारी केलां. म्हायती दिवंक नाशिल्ल्यान संबंदीत विद्यार्थ्यांक धावी, बारावेचे निमाणे परीक्षेक बसपाक मेळचें ना, अशें परिपत्रक शालान्त मंडळान जारी केलां.
फाटल्या वर्सा (२०२४ – २५) ज्या विद्यार्थ्यांनी णवी आनी इकरावेंत प्रवेश घेतला, तांची म्हायती मुख्याध्यापकांनी https://servicel.gbshse.in ह्या पोर्टलाच्या सादाराचेर सादर करपाचे निर्देश मंडळान २८ मे २०२५ दिसा परिपत्रक जारी करून दिल्लें. हे विद्यार्थी अंदूं धावी, बारावेचे शालान्त मंडळाचे परीक्षेक बसतले. म्हायती सादर करपा खातीर १५ जून ही निमाणी तारीख आशिल्ली. जाल्यार विद्यालयांनी म्हायती सादर करूंक ना. तांकां १८ जुलय मेरेन म्हायती सादर करप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
