भांगरभूंय | प्रतिनिधी
मडगांव: आम आदमी पार्टी, गोवान सध्या आदिवासी समाजाचे (एसटी) प्रस्न, समस्या समजून घेवन त्यो समस्या सोडोवपाक कृती आराखडो तयार केला. हाचे खाला गोंयच्या १२ म्हालांनी सदस्य मोहीम राबोवपा वांगडा थंयच्या एसटी समाजाचे प्रस्न, समस्या समजून घेवपाक १२ मुखेल्यांची नेमणूक केल्या. हालींच आप पक्षांत प्रवेश केल्ले आदी ब्रिगेडचे मुखेली विनय वेळीप हांच्या नेतृत्वा खाला बाराय म्हालांतले मुखेली कार्यरत रावतले.
आप पक्षाचे बाणावलीचे आमदार कॅप्टन व्हेंझी व्हीएगस, वेळ्ळीचे आमदार इंजि. क्रुझ सिल्वा, संयुक्त सचीव प्रशांत नायक, एसटी फुडारी विनय वेळीप हांचे मदीं जाल्ले बसकेंत एसटी समाजा संबंदी विवीध विशयांचेर चर्चा जाली. तातूंत गोंयांत एसटी समाजाची वांगडीपदाची मोहीम राबोवन तांकां आप पक्षा कडेन जोडून घेवपा वांगडा तांचे प्रस्न, समस्या समजून घेवपा खातीर १२य म्हालांनी मुखेली निवडपाचो निर्णय घेतलो.
१२ म्हालांनी निवड केल्ल्या मुखेल्यांचीं नांवां
बार्देश- रोशन वेळीप, दिवचल- गौतम वेळीप, पेडणें- मुरारी देवरा, सत्तरी- दीपू शिरोडकार, तिसवाडी- कार्तिक वेळीप, फोंडें- गीतेश गांवकार, काणकोणा- तोळु वेळीप, मुरगांव- रोशन वेळीप, केपे- साहिल वेळीप, सांगें- संदीप देविदास, धारबांदोडा- आनंद वेळीप, सासष्टी- सुशांत गांवकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
