भांगरभूंय | प्रतिनिधी
पेडणें : मांद्रें मतदारसंघा खातीर खासा दर्यादेगेचो विचार करीत सरकारान आमदार जीत आरोलकार हांच्या यत्नांक लागून मांद्रें पंचायत वाठारांत पुलीस स्टेशन स्वतंत्रपणान उबें केलां. सध्या हें पुलीस स्टेशन आपत्कालीन सेवा इमारतींत कार्यरत आसा. ती सुवात अर्दवट स्थितींत आशिल्ल्यान ह्या पुलीस स्टेशनांत कॅन्टींनाची वेवस्था, हेर सुविधा, पुलीस कर्मचार्यांचो उणाव, वाहनांचो उणाव आसा.
हे विशीं आमदार जीत आरोलकार हांकां विचारलें तेन्ना, आमदार जीत आरोलकार हांणी सांगलें, ह्या पुलीस स्टेशनांत वाहनांचो उणाव आसा. हेर सुविधांचो उणाव आसा. मुख्यमंत्री प्रमोद सावंत हांचे कडेन चर्चा केल्ल्यान बेगीनूच ते हो विशय सोडयतले. सरकार नवीं धा रॉबर्ट वाहनां घेतले. तांतली एक मांद्रें पुलीस स्टेशनाक दितले. ४००० चौरस मीटर जमिनींत नव्या पुलीस स्टेशनाची सुसज्ज इमारत उबारतले अशें आमदार आरोलकार हांणी उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
