भुरग्यां खातीर ‘खेळ यात्रा’
भांगरभूंय | प्रतिनिधी
रत सरकारान नव्या शैक्षणीक धोरणांत इयत्ता सवे खातीर ‘खेळ यात्रा’ हें एक उत्कृष्ट रचलां. आकर्शक शारिरिक शिक्षण आनी तंदुरुस्तीचें पाठपुस्तक पयलेच फावट अभ्यासक्रमांत हाडलां. एनसीईआरटीन तयार केल्लें हें पुस्तक भारतभराच्या शाळांनी धाडलां. गोंयांतय अशीच प्रक्रिया सुरू आसा. शारीरिक शिक्षणाक शिक्षणिक म्हत्व दिल्लें हें पुस्तक भारताच्या शिक्षण वेवस्थेंत मोलाचें थारलां.
‘खेळ यात्रा’ पुस्तकांत खास कितें?
इयत्ता ६ वे खातीर पयलें अधिकृत पाठपुस्तक. एनईपी 2020 खाला, शारीरिक शिक्षणाचो अभ्यासक्रम यत्ता सवे सावन नियमित शिकोवपाक सुरू जाला, रंगीबेरंगी, आकर्षक आनी भुरग्यांक आवडटले अशे भाशेंत रचिल्लें
हें पुस्तक फोटो, रेखाचित्रां आनी सोंप्या उतरांनी उपाट भरिल्लें आसा, पुस्तक विद्यार्थ्यांचो उत्साह वाडयता.
शारिरीक आनी मानसीक विकासाचो समतोल भितर पळोवंक मेळटा.
फकत शरिराचो विकास न्हय, पूण भावनीक भलायकी, पंगड भावना, सुरक्षा जागृती, आत्मशिस्त आनी मूल्याधिष्ठित शिक्षण हें सगळें आसा.
हें पुस्तक शिकपाक आनी शिकोवपाक खातीर बरें.
हें ‘खेळ यात्रा’ पुस्तक फकत विद्यार्थ्यांकूच न्हय, तर शिक्षकांक लेगीत शिकोवपाक मदत करता.
‘खेळ यात्रा’ –अभ्यासक्रमा विशीं
हें पुस्तक पाच मुख्य घटकांनी विभागिल्लें आसा, विद्यार्थ्यांची सर्वांगी उदरगत करपाक तें तयार केलां.
- शारीरिक शिक्षण आनी तंदुरुस्ती :– सदच्या क्रियाकलापांचें महत्त्व, स्वच्छता, सुरक्षा आनी आरोग्यदायी जीवनशैली.
- मोटर फिटनेस क्रियाकलाप – ताकद, वेग, समतोल आनी लवचिकता वाडयता.
- खो- खो कौशल्य – नियम, चुकप- धरप, संघटीत खेळ आनी मैदानाची शिस्त.
- हँडबॉल कुशळटाय – पास करप, शूटिंग, टीमवर्क आनी आकर्शक सादरीकरण
- योग शिक्षण – योगासने, प्राणायाम, ध्यान आनी नैतिक मुल्यां.
हाचे बरोबर ‘आईस वॉटर, सात दगड, हुला हूप रिले’ सारख्या खेळांनी विद्यार्थ्यांची सर्जनशीलता वाडयता.
रुब्रिक आधारित मोलावणी
ह्या पाठपुस्तकांत विद्यार्थ्यांची मोलावणी अशी जाता.
मूल्यमापनाचें क्षेत्र (दोन सत्रांत)
- जाणीव (Awareness) : नेम, सुरक्षा आनी सरभोंवतणची समज.
- संवेदनशीलता (Sensitivity): टीम भावना, सहकार्य आनी सहानुभूती.
• सर्जनशीलता (Creativity): समस्या निवारण आनी नव्या कल्पनांची अंमलबजावणी.
कामगिरीचे तीन पांवडे
- प्रारंभिक (Beginner): मर्यादित समज, सतत मार्गदर्शनाची गरज.
- प्रवीण (Proficient): मध्यम आत्मविश्वास, थोड्या मार्गदर्शनान परर्फाम करता.
- प्रगत (Advanced): स्वावलंबी, आत्मविश्वासू आनी सातत्यपूर्ण कामगिरी.
एनईपी 2020 च्या दृष्टीकोनान ही मोलावणी शारिरिक, मानसीक आनी बौद्धीक वाडीक प्रेरणा दिता.
विद्यार्थ्यां खातीर ‘खेळ यात्रा’चे फायदे
- सदच्या खेळांत विद्यार्थ्यांचो सक्रिय सहभाग वाडटा
- शारिरिक तांक आनी मनोबलांत सुदारणां
- नेतृत्त्व, सहानुभूती आनी आत्मशिस्त ह्या जीवनकौशल्यांची उदरगत.
- योग आनी खेळांक लागून लक्ष केंद्रीत जाता आनी आत्मविश्वास वाडटा
- रंगीबेरंगी चित्रां आनी सोंपे भाशेन शिक्षण.
‘खेळ यात्रा’ हें फकत एक पाठ्यपुस्तक न्हय, पूण एक चळवळ. हें पुस्तक म्हणल्यार विद्यार्थ्यांक तंदुरुस्ती आनी जीवन मुल्यां कडेन घेवन वचपाचो एक सुंदर प्रवास.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
