भांगरभूंय | प्रतिनिधी
राजकारणाच्या मळार सांगपाचें जालें जाल्यार, आदली प्रधानमंत्री इंदिरा गांधी हांणी पाकिस्तानाक बुद्द शिकयली. पाकिस्तानाचे तांणी दोन कुडके केले. तांकां ‘गुंगी गुडीयाँ’ अशें म्हणटाले. मागीर तिका ‘आयर्न लेडी’ म्हणपाक लागले. आतांच्या दादल्या कडेन तशें जावपाचें आसा व्हय? कल्पना चावला आनी सुनिता विलियम्स हांणी तर अंतराळांत भ्रमण करून नामना जोडली. अमेरिकी नागरीक, मूळ भारतीय सुनिता विलियम्स तर णव म्हयने अंतराळांत आशिल्लें. ही जावन आसा व्हडली गजाल. अंतराळांत वचपाचें ताचें तें एक सपन आशिल्लें, तें ताणें पुराय केलें. इतले दीस अंतराळांत रावप ही सादी गजाल न्ही.
गोंयची पयली बायल मुख्यमंत्री जावपाचो मान शशिकलाताईक मेळ्ळो. मुख्यमंत्री पदार आसतना तांणी केल्लीं कामां, गोंयची उदरगत, कायदे आयचो सरकार मुखार व्हरतना पळोवपाक मेळटा. इतिहासा कडेन जेन्ना आमी पळयतात, तेन्ना राणी लक्ष्मीबाई आनी अहिल्याबाई होळकर हांचें कार्य आमकां खूब कितें सांगून वता. बायलां आसुनय तांचो पराक्रम नजरेंत भरता. मरप पुण वाकप ना हो तांचो बाणा आशिल्लो, आतांच्या बायलांनी तो सामको मतींत दवरपा सारकोच.
कितल्याशाच राज्यांनी मुख्यमंत्री म्हुण बायलां काम पळयताना दिसतात. राज्यांक वयल्या पावंड्यार व्हरपाक तांची मजत जाता. भ्रश्टाचारमुक्त कामा तीं करतना दिसता. महाविद्यालयांनी प्राचार्याच्या पदांचेर बायलां आशिल्लीं पळोवपाक मेळटात. मुख्याध्यापिका पदाचेर चडशे कडेन बायलांच आशिल्ली पळोवपाक मेळटात. शिक्षणाच्या मळार तीं बरी उदरगत करतात. ताका लागून शिक्षणाक वयल्या पावंड्यार पावपाक मजत जाता. भुरग्यांक घडोवपाचें बरें काम तीं करतात. सर्वोच्च पद म्हणल्यार राष्ट्रपतीपद. आयज तें एक बायलुच सांबाळटा. व्हडल्या पदार आशिल्ली म्हणटकच व्हडले अधिकारूय तांका फावो जाता.त्या अधिकाराचो ती गैरवापर करिनात, ही बरी गजाल न्ही?
गोयांत कितलेश्याच खात्यांच्यो मुखेली म्हुण बायलांच पदां सांबाळटना दिसता. बायलांची तोखणाय करपा सारकीच ही गजाल जावन आसा. राज्याचे उदरगतीक तीं हातभार लायता, अशें म्हणू येता. लेखिका, कवयित्री, गायिका आनीक खूब कितें. आपलें काम ती बरे भशेन करता. नांव जोडटा, ही बरी गजाल जावन आसा.
तांचे पसून प्रेरणा घेवन दुस-यांक बरें शिकपाक मेळटा. त्या मळचेर वचपाक मेळटा. लोक जांका देव म्हणटा ते दोतोर. ह्या वेवसायांत पसून बायलां आसात. लोकांची दुयेंसां बरीं करतात. ताका नवें जिवित दिवपाचें काम करतात. हें पळयतकच एक मतींत येता तें म्हणल्यार, आयज मळब हीच तांकां मर्यादा. पूण, मळबांत पसून तीं वचून आयिल्लीं आसात. मागीर मळब ही तांकां मर्यादा कशी? पुण, व्हडलीं पदा सांबाळून तीं तोखणाय करपा सारकीं कामां करतात आनीक दादल्यांच्या खांदाक खांद लावन तीं फुडें वता, देखून तांकां सलाम.
गुरूदास नाडकर्णी
शिरफोड, कुडचडें
965757397
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
