भांगरभूंय | प्रतिनिधी
मातयेच्या गुळ्याक जेन्ना
मेळटा भावनेचो आकार
गिन्यानाच्या सांच्यातल्यान
मुर्ती जाता साकार..!
साच्याचो वापर करीनासतना देखणी आनी सैमीक श्रीगणेश मुर्ती तयार करता कालापूर बांद- आराडीचो एक मुर्तीकार अविनाश कुंकळकार.
सगल्या कलेची आवड आशिल्ले, मातयेक जपपी, मुर्ती कलेक पुजपी, कवी मनाचे लेखक, पारंपरीक चिकण मातयेच्योच श्रीगणेश मुर्ती तयार करपी हो कलाकार आपले श्रीगणेश चित्र शाळेंत वर्सा प्रमाण 60 ते 70 चिकण मातच्योच मुर्ती तयार करता. सोबीत मुर्ती तयार करून हो कलाकार आपले कलेची उपासना करता. भक्तांक देव दिता आनी मुर्ती कलेची राखण करता. आपल्या पुर्वज्यांचें दायज तिगोवन दवरपाचें तो काम करता.
पीओपीची मुर्ती घरांत हाडचे पयलीं गणेशभक्तांनी सैमाचो विचार जरूर करचो, आपणें स्वताच पुजिल्ल्या गणेश मुर्तीची विसर्जना उपरांत जाता, तिचोय विचार जरूर करचो, अशे तो म्हणटा. ताचे चित्रशाळेंत मुर्ती सांगपाक येवपी श्री गणेश भक्तांक तो सांगता की…
गणपती बाप्पा मोरया
तोच सुखाचो दर्या,
चिकण मातयेची मुर्ती पुजून
सैमाची राखण करुया…!
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
