भांगरभूंय | प्रतिनिधी
पणजी: पुलीस खात्यान बांबोळे गोंय वैजकी म्हाविद्यालयाच्या हॉस्पिटलांत 24 वरां सुरक्षा दिवपा खातीर पुलीस बंदोबस्तांत वाड केल्या. ते प्रमाण पुलीस आवट पोस्टार आनीक 19 पुलिसांची नेमणूक केल्या.
फाटल्या म्हयन्यांत बांबोळे गोमॅकाँत भलायकी मंत्री विश्वजीत राणे हांणी डॉ. रुद्रेश कुट्टीकार हांकां तापोवन सेवेंतल्यान निलंबीत करतलों अशें सांगिल्लें. उपरांत गोमॅकाँतल्या दोतोरांनी आंदोलन केल्लें.
पूण मुख्यमंत्री डॉ. प्रमोद सावंत हांच्या हस्तक्षेपा उपरांत हें आंदोलन थंड जाल्लें. त्या वेळार दोतोराच्या हेर प्रस्ना बरोबर गोमॅकाँतले सुरक्षे विशीं उपाय काडपाचेर चर्चा जाल्ली. त्याच वेळार आनीक पुलीस कर्मचाऱ्यांची नेमणूक करपाचें थारिल्लें. ते प्रमाण गोंय पुलिसांनी आवट पोस्टार आनीक 19 पुलीस कर्मचाऱ्यांची नेमणूक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
