भांगरभूंय | प्रतिनिधी
मडगांव : साश्टी म्हाल अंमलबजावणी पंगडा कडल्यान तंबाकू आशिल्ल्या पदार्थांची विक्री करपी 10 दुकानांचेर कोट्पा कायद्या खाला कारवाय केली. दवर्ली रुमडमळ वाठारांतल्या दुकानां कडल्यान दंडात्मक कारवायेंतल्यान 2 हजार रुपयांचो दंड वसूल केलो. तंबाकू आनी तंबाकू आशिल्ले पदार्थ विक्री संबंदांतल नेम मोडिल्ल्या प्रकरणांत कारवाय केल्या. साश्टी म्हाल अंमलबजावणी पंगडा कडल्यान दवर्ली, रुमडामळ वाठारांतल्या कांय दुकानांची पळोवणी केली. ह्या पंगडांत मामलेदार सिध्दी पै आंगले, गोवा कॅनची लॉर्ना फर्नांडीस, कुडतरी भलायकी विभागाचे अधिकारी उसोबिओ सिल्वा, हेड क्लार्क फ्रान्सिस्को कार्व्हालो, पुलीस उपनिरिक्षक आशुतोष नायक, पुलीस कॉन्स्टेबल पुंडलीक परीट हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
