भांगरभूंय | प्रतिनिधी
कायदेशीर समस्येक लागून ‘आदिवासी भवन’ उरलां आडकून
पणजी : रॉटविलर, पिटबूल अश्या हिंसक सुण्यांचेर बंदी घालपाक येवपी विधानसभा अधिवेशनांत सरकार खास विधेयक मांडटलें. मंत्रिमंडळान गोवा पशू प्रजनन आनी घरगुती नियमन आनी लुकसाण भरपाय विधेयक २०२५क मान्यताय दिल्या. रॉटविलर आनी पिटबूल जातीच्या कुत्र्यांनी केल्ल्या हल्ल्यांत भुरगीं तशेंच हेर मनशां जखमी जावपाच्यो घडणुको घडल्यात. हेच फाटभूंयेर येवपी अधिवेशनांत हें विधेयक सरकार सादर करतलें.
मुख्यमंत्री डॉ. प्रमोद सावंत हांचे अध्यक्षते खाला आयज मंत्रालयांत मंत्रिमंडळाची बसका जाली. उपरांत डाॅ. सावंत हांणी ह्या निर्णयांची म्हायती पत्रकार परिशदेंत दिली. ह्या वेळार तांचे वांगडा येरादारी मंत्री मॉविन गुदिन्हो हाजीर आशिल्ले. वेवसाय सुलभीकरणाच्या हेतान कारखानो आनी बाष्पक दुरूस्ती विधेयकूय सादर जातलें. ह्या दुरूस्ती विधेयकाक मंत्रिमंडळान मान्यताय दिली.
आदिवासी भवनांत कायदेशीर आडमेळीं
ज्या प्रकल्पाक सरकार निधी दिला, तो पुराय जावचो न्हय, अशें म्हाका कित्याक दिसतलें? पर्वरीचें आदिवासी भवन कायदेशीर समस्येक लागून आडकून उरलां. सरकार वा तांत्रीक आडमेळ्यांक लागून प्रकल्प आडकून उरूंक ना, अशें मुख्यमंत्र्यांनी स्पश्ट केलें.
गोमेकॉ, दांत महाविद्यालयांत दोतोरांची भरती
गोवा वैजकी महाविद्यालय हॉस्पिटल आनी गोंय दांत महाविद्यालयांत दोतोर आनी नर्सींचीं पदां कंत्राटी पद्धतीचेर भरपाक मंत्रिमंडळान मान्यताय दिल्या. कार्डिओलॉजीस्ट सयत तज्ञ दोतोर आनी नर्सी मेळून गोंय वैजकी महाविद्यालयांत १७० पदां कंत्राटाचेर भरतले. तशेंच दांत महाविद्यालयांत प्राध्यापकांचीं १० पदां कंत्राटाचेर भरतले.
अभियोक्ता संचालनालया सयत हेर खात्यांत पदां
अभियोक्ता संचालनालयांत १३ पदां तयार करपाक मान्यताय दिली. राष्ट्रीय सेवा येवजणे खातीर (एनएसएस) स्वतंत्र विभाग स्थापन करतले. ह्या विभागांत कर्मचार्यांची भरती जातले. राज्य पर्यावरण आनी हवामान बदल खात्यांत वैज्ञानीक अधिकार्यांचीं पदां भरतले.
आंबेडकार भवना खातीर पर्वरे सुवात
पर्वरे आंबेडकर भवना खातीर २४४० चौरस मीटर सुवात दिवपाक मान्यताय दिल्या. आंबेडकर भवना खातीर सुवात दिवपाची मागणी राज्यांतल्या दलीत संघटणांनी केल्ली.
म्हत्वाचे हेर निर्णय :
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
