भांगरभूंय | प्रतिनिधी
पणजी: तरेकवार मागण्यां खातीर बँक कर्मचाऱ्यांच्या आयज जावपी संपात गोंयचे कर्मचारी लेगीत वांटो घेतले. हाका लागून स्टेट बँक ऑफ इंडिया आनी इंडियन ओवरसीज बँक सोडून हेर राष्ट्रीयकृत बँको बंद आसतल्यो. गोंय बँक कर्मचारी संघटणेचे सरचिटणीस मॅक्सी पेरेरा हांणी ही म्हायती दिली.
बँक ऑफ इंडिया, बँक ऑफ बरोडा, महाराष्ट्रा बँके सयत राष्ट्रीयकृत बँकांचे कामकाज आयज बंद आसतलें. कर्मचारी सकाळीं पाट्यार निदर्शनां करतले. हाचे उपरांत आझाद मैदानाचेर निदर्शनां जातलीं. स्टेट बँक ऑफ इंडियाची कार्यालयां सुरू आसतलीं.
कॉर्पोरेट वाठाराच्या लावा खातीर सरकार बँकांचे खासगीकरण करता. हाका लागून कर्मचाऱ्यांक कायमस्वरूपी नोकरी मेळना. नोकऱ्यांनी कपात करपाच्या धोरणाक लागून बेकारी वाडटा. हाचो निशेध करपा खातीर बँक कर्मचारी संघटणानी आयज पुराय देशांत संपाचो उलो मारला. ह्या संपाक कामगार संघटणांनी तेंको दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
